كل سنة وانت طيب يا بابانا يا احلى شفيع

ليه في قلوب الكل محبة
من نبل وروعة خصاله
بنناديه شفيع الطلبة
عمره ما رد سائل جاله
في حجر الرهبان اتربى
من صغره تابع لالهه
مهما على نياحته وقت عدى
عايش وسطينا بأعماله

طوباك يا بابانا وحبيبنا
في ضيقاتنا أبدا ما نسيتنا
و كل مرة طلبناك جيتنا
صورتك في قلوبنا وفي بيتنا

وعشان عشت حياة البر
ما كانش يخفى عنك سر
ياما عليك الألم مرّ
لكن أنت سلمت الفكر
للي بايده وبس الأمر

وأنا قدامك أكون مين
كلي خجل وانا باحكي عنك
واحد من ضمن ملايين
عرفوك وغامرهم بحبك
يمكن مش شايفاك العين
انما دايق طيبة قلبك