نكت جامدة موت

واحد جاب ولاده قبل اما يموت وعاوز يعلمهم ان في الاتحاد قوة والتفرق ضعف ، قال لواحد خد عود حطب واكسره فالولد كسره قاله خد اتنين فكسرهم قاله طب
خد خمسين فكسرهم فالراجل قال لولاده خلاص اموت وانا مطمن ان معاكم البغل ده

مرة اثنين عندهم كلاب صيد صاحب الكلب الاول أول ما يضرب طلقة من البندقية يجرى الكلب ويروح يجيب الفريسة
والثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت البندقية راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية راح الكلب وقف على رجله وقعد يزغرط



كان فى مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش وكسرلهوم كل اسنانهم جاه تانى يوم الصبح لقى الجزر بتاعوه بردوه حد اكلوه راح عند الارانب ومسك واحد فيهم وقالوه :واديتوه الجزر فين قالوه الارنوب :عملنا عثير وثربناه

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا
بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام

طرزان شاف مامته بتلف ورق عنب.... قال لها
كم مرة قلت لك متلعبييييش فى الشورت بتاعى

كتبت أحدي الصحف القومية عن ظهور البؤبؤ....
وبدأت الناس تتسأل هل ممكن يشوفوا البؤبؤ قبل ما يموتوا ويتحقق لهم حلمهم الكبير...
وكانت المفاجأه بعد شهرين..كتبت الصحف أن البؤبؤ سوف يقوم برحلة حول العالم علي متن سفينتة الخاصة....ومن ضمن برنامج الزيارة سوف يجيء الي مصرنا الحبية أرض الكنانة..
وأجتمع مجلس الوزراء...وبدأوا يعدوا العده لزيارة البؤبؤ
تم تجديد ميناء الأسكندرية....وفتح محلات وبازرات ومطاعم وبناء فنادق فاخره لأستقبال السياح من جميع أنحاء العالم...التي سوف تأتي في جموع غفيره...لمشاهدة البؤبؤ..
وجاء اليوم الموعود...وظهرت السفينة..وها هي تقترب من رصيف الميناء
رويدا رويدا....ورست السفينة علي الرصيف....
وظهر قبطان السفينة...وكان يحمل بيده زجاجة كبيرة...
فألقي بها في الماء ......وعملت بؤ بؤ بؤ بؤ

كان فيه خمسة صعايدة سموا نفسهم الشجعان التلاتة

مره راجل خلف ولد جبله كوره بنج بونج حمره دخا المدرسه جبله كوره بنج بونج حمره دخل الجامعه جبله كوره بنج بونج حمره خلص جامعه جبله كوره بنج بونج حمره اتجوز جبله كوره بنج بونج حمره خلف ولد جبله كوره بنج بونج حمره المهم ابوه تعب شويه وابنه راحله بيساله يابا ايه حكايه الكوره البنج بونج حمره ابوه قله ..... اء ومات


بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا


نزل قرار فى البلد بمنع الصعايده من السفر طب يعملوا ايه عشلن يعرفوا الصعايده قالك احنا
نجيب جوافاية ونسأل كل واحد ده ايه الصعيدى هيقول على الجوافة دوافة واحد صعيدى عرف قالك انا اركز واحفظ الكلمه صح المهم الصعيدى ده راح المطار بتاع الجوازت بيقولوا ايه ده يا بلدينا قاله جوافة ب قاله الظابط مظبووط قام قاله وايه دي؟ قاله الصعيدي ماندة (مانجة)

واحد ندل عينوه مدير المطافي غير النمرة من 123 عملها 567309261046574852

الاسئلة البايخة :
ليه ابوتريكة بيلبس فانلة 22 ؟
عشان 21 ضيقة عليه

طب ليه مبيلبسش 23 ؟
عشان فلافيو بيلبس 23

طب ايه هو الحيوان التعيس؟
القطة
ليه؟
عشان ديما تخربش ومتكسبش

طب ايه الحيوان اللي دايما مشغول؟
الخرتيت .. تيت .. تيت

طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟

طب ايه اقدم حيوان؟
الحمار الوحشي .. عشان ابيض واسود

طب ايه هو اجدد حيوان؟
القنفد .. ليه ؟
عشان بشوكه

طب ليه التلاجة غبية؟
عشان بتحفظ الاكل .. مبتفهموش

ماهي قمة الحيرة؟
يقال لك اجلس في ركن غرفةمستديرة



س4:ماهو قمة الذكاء؟
ان تجد ركن للغرفة



س5:ماهو قمة الالم؟
التزحلق على زحلاقة مغطاة بشفراتحلاقة وشظايا الزجاج



س6:ماهي قمة العذاب؟
السقوط بعد ذلك في حوض بة كولونيا



س7:ماهي قمة الادب؟
ان تطرق باب الثلاجة قبل فتحها


ما هي قمة الدهشة؟
ان يفتح احدهم لك الباب

ليه الهرم فيه حتة حديدة من فوق؟
عشان يتشال منها وينضفوا تحتيه

طب ازاي تعرف البواب الصعيدي؟
بينضف الاسانسير في كل دور


النكت المصرية
بيقولك مرة أبو العربى حس بخيانة مراته ليه فقرر انه يراقبها فمشا وراها لحد لما لقاها ماشيه مع راجل غيره فقام مشا وراهم حتى وصلو إلى الكورنيش فاستخبا ورا الكورنيش فسمع الراجل بيقول لمراته إى بقا يا أم العربى انا كل مرة لما أمشى معاكى أمسك إيدك اليمين نفسى مرة أمسك إيدك الشمال قالتله ام العربى : لا إيدى الشمال دى بتاعة ابو العربى فاطلع ابو العربى وقال لمراته: أصيلة يا ام العربى

عملو مسابقة سباق السيارات فاشترك فيها واحد صعيدى وجى يوم السباق بعربية صغيرة موديل قديم قوى فالمسؤولين
عن السباق قالولو هتخش السبق ازاى بالعربية المهكعة دية قالهم الحكم بعد السباق
المهم الصعيدى كسب السباق فالناس استغربو قوى قالولو ازى العربية المهكعة ديه كسبت السباق فقالو انت لازم حاطتت فيها موتور طيارة فبيفتحوا الكبوت لقو سته صعايدة عمالين بينهجو

واحد جاب ولاده قبل اما يموت وعاوز يعلمهم ان في الاتحاد قوة والتفرق ضعف ، قال لواحد خد عود حطب واكسره فالولد كسره قاله خد اتنين فكسرهم قاله طب
خد خمسين فكسرهم فالراجل قال لولاده خلاص اموت وانا مطمن ان معاكم البغل ده



[size=21]اتنين سكرانين ماشيين...فواحد قال للتاني:لما أموت ابقى اشرب لي الكاس
بتاعي ....فصاحبنا مات ، وبعد كام يوم التاني راح البار وطلب كاسين... قاله:
ايوه بس انت لوحدك.... فحكى له على الموضوع .....وبقى كل يوم يشرب
كاسين...لحد ما فى يوم طلب كاس واحد ........الراجل قالوه اشمعنى...قاله:
اصل انا بطلت اشرب


مره واحد صعيدى دخل محل اجهزه كهربائيه علشان يشترى تلفزيون دخل سال صاحب المحل
ابكام التلفزيون ده صاحب المحل قلو امشى ياض مابنبعش لصعايده الصعيدى راح حلق شنبو ولبس بدله ورحلو تانى وسالو بكام التلفزيون ده قالو امشى ياض مابنبعش لصعايده الصعيدى اتجنن راح لبس وحده ست ورحاو تانى وقالو بكام التلفزيون ده قالو امشى ياض مابنبعش لصعايده الصعيدى قالو انتا بتعرفنى ازاى صاحب المحل قالو عشان دى غساله مش تلفزيون


مرة واحد ماشي على الصحراوي لقى يافطة مكتوب عليها
خفف 100 كم
فراح مخفف سرعته شوية و لقى يافطة
خفف 50 كم
راح مخفف شوية كمان و بعديها لقى يافطة تانية
خفف 10 كم
راح مخفف كمان و بعدين لقى يافطة
مرحباً بكم في خفف

صعيدي اشتري كمبيوتر... شال ال
mouse وحط جاموسة


واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.

عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده

مرة واحد جاله عيل بس للأسف كان شكله غلط خالص، فسماه صفوت، كبر صفوت قام ابوه مقدم له ف المدرسة بس ما اتقبلش لتخلفه العقلي الواضح و شكله الغير طبيعي، الراجل ما لقاش فايدة قام طالع على المدارس الخاصة وعدى عليهم مدرسة مدرسة كل ما يشوفوا صفوت يقولوا له ربنا يسهل لك، الراجل تعب قوي لحد ما لقى مدرسة داخلية للحالات الخاصة جدا قام رامي لهم صفوت و مصاريفه و راح شم بقى نفسه وعاش حياته.
المهم... تعدي سنة الراجل افتكر ابنه وحب يزوره راح المدرسة و سأل عليه ف الاستقبال قالوا له الدور الأول طلع..لقى يافطة مكتوب عليها "قسم الناس الغريبة" دخل فصل فصل و بص ف كل العيال ما لقاش صفوت، نزل لبتوع الاستقبال قالوا له يبقى ف الدور التاني طلع التاني لقى يافطة "قسم الناس العجيبة" دور فصل فصل و درج درج مفيييييش صفوت، نزل تاني قالوا له يبقى ف التالت أكيد، طلع لقى يافطة عليها "قسم الناس الفضائية" قعد يبص و يفلي ف العيال الفضائيين ما لقاش ابنه برضة، نزل لهم قالوا له بص، بعد كدة مفيش غير السطوح طلع السطوح لقى فصل واحد عليه يافطة مكتوب عليها "صفوت".


مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى


واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
ُافففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟! بسرعة لو سمحت..أرجوك رقمهم..من فضلك مش قادر أديني رقمتهم.. لو سمحت بقى أهرشلي في المربع رقم 33


واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا


كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام
ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة
ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة
نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة
جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة
ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد
ولمايجي ابوسريع نعمله اكل ثاني ..وبداو ياكلو..."فجاة خرج ابوسريع من ورا شجرة وقال يعني لو كنت رحت كنتم كلتم من غيري


مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى
صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة
عجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا
وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى
وتمسك الورشة مكانى... وبعد يومين قال عزوز لصاحب الورشة انا اعرف جورج بوش ولكن صاحب الورشة المرة ديا قال
لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت
الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وجورج ونقول لك
هاى وفعلا عزوز طلع هو و بوش بعد خمس دقائق الراجل صاحب الورشة اغمى علية وراح المستشفى . ولما فاق
عزوز بيسألة انت اغمى عليك علشان شفتنى انا وجورج بوش .صاحب الورشة قال لا يابنى انا اغمى علية علشان انت
وهو وافقين فى الشباك عدا من قدامى اثنين امريكان بيسألونى من الى واقف جنب عزوز ده


ايه هو الحيوان اللي دايما مشغول؟
الخرتيت .. تيت .. تيت .. تيت

بيقولك مرة مركب محملة شحنة يويو غرقت 300 مرة


بيقولك فيه واحد بلدياتنا اشترك بمسابقة من سيربح المليون وكان السؤال الثاني:

عصفور باليد ولا عشرة على

أ) الشجرة ------------------- ب) البقرة

ج) الصفراء ---------------- د) الحمراء


فقال لجورج قرداحي من أولها صعبة . ما نسأل الجمهور،
فكان جواب الجمهور 100% الجواب الأول الشجرة،

فقال لجورج مش دايماً الجمهور على حق،نحذف إجابتين. حذفله إجابتين فبقي الجواب الأول الشجرة

والجواب الثاني البقرة.

فقال لجورج يااااادي المصيبة بقى الجوابين الشاكك فيهم .

طب نتصل بصديقي ( هريدي ) فأتصل بهريدي ( إزيك يا أبو صميده كيف أخبارك ، أم صميده إزيها والعيال --)

راحت الثلاثين ثانية وملحق يسأله السؤال.

فسأله جورج قرداحي وهلا شو بدك تسوي

فجاوب راح أنسحب ياعم و آخد ال 200 ريال بتاعت السؤال الأول والمثل بيقول:


عصفور باليد ولا عشرة على الشجرة